|
16. maí. Dagarnir sem nú þegar eru
liðnir af vikunni hafa verið viðburðaríkir sem endranær
og þá ekki síst dagurinn í dag. Húsið var barnlaust um
tíma þegar allir nema ,,möppudýrin og eldabuskurnar"
brugðu sér í bæinn til þess að taka þátt í hátíðarhöldum
dagsins. Nokkrar myndir frá þeirri ferð eru
hér á hlekk Smára en aðrir eiga eftir að setja inn
sínar myndir.
|
 |
|
 |
 |
| Á
fimmtudaginn síðasta fóru börnin á Engjarós í
útskriftarferðina sína. Þau sýndu mikinn dugnað
þegar þau gengu frá næsta strætisvagnastoppustað
og alla leið í skóginn. Ekki þótti verjandi að
bjóða þeim upp á slíkt hið sama þegar heim átti
að halda og rúta frá Norðurleið sótti þau og
skilaði í skólann þreyttum en sælum með góðan
dag. Yngstu börnin lögðu líka af stað í ferðalag
en þau tóku þátt í að vinna mósaíkverk sem verið
er að gera í tilefni afmælis Akureyrar. |
Á föstudaginn var svo
Vorhátíðin og útskriftin sem allir biðu eftir.
Veðrið var gott báða þessa daga og kunnum
við veðurguðunum bestu þakkir fyrir
tillitsemina. Dagurinn hófst með því að skreytt
var svæðið úti og svo var það andlistmálningin á
börnin en ákveðið hafði verið að taka þann
beiska kaleik frá foreldrunum. |
|
 |
 |
 |
Þetta árið var
óvenju mikið um dýrðir enda fengum við afhentan
Grænfánann í annað sinn og það var engin önnur
en hún Drífa okkar sem tók það að sér vegna
tilmæla Landverndar. Það er okkur bæði ánægja og
heiður að fá hann aftur því það er ekki
sjálfgefið, skólar verða að sýna framfarir til
þess að verðskulda að fá hann. En það blöktu
fleiri fánar við hún þennan dag þar sem Þuríður
verkefnisstjóri SMT færði okkur fána sem vottar
sjálfstæði Kiðagils sem SMT skóla. Það fengu þó
fleiri viðurkenningar þennan dag þar sem elstu
börnin okkar fengu útskriftarskjal þar sem þeim
er þakkað fyrir samveruna undanfarin ár um leið
og þeim er óskað alls velfarnaðar á komandi
árum.
|
|
 |
 |
 |
|
Barnahópurinn söng við undirleik og stjórn
Heimis Ingimundarsonar sem er því miður ekki á
mynd hér. Foreldrar barnanna fylgdust
náttúrulega stoltir með söngfuglunum sínum og
útskriftarbörnum. Það er alltaf ákveðið skref
sem stigið er í fullorðinsátt þegar leikskólinn
er yfirgefinn og farið yfir í grunnskólann.
Fleiri myndir finnast
hér. |
Í því tilfelli
að það hafi farið fram hjá ykkur kæru foreldrar
þá var opnuð sýning á verkum barnanna í Kiðagili
og frá Naustaskóla í Deiglunni sem er fjölnota
salur í Listagilinu. Sýningin er afar skemmtileg
og stendur vel saman. Þið ættuð endilega að líta
á hana. |
4. maí:
og á eftir verður opnuð í
tilefni
af 150 ára afmælis Akureyrar er opin
Sýning
í Deiglunni
á verkum nemenda úr Leikskólanum Kiðagili
|
|
 |
Sérhvert
barn er listamaður. Vandinn er að varðveita
hæfileikann í uppvextinum.
“Every
child is an artist. The problem is how to
remain an artist once we grow up.”
Pablo Picasso
(1881-1973)
|
Enn ein vikan liðin enda stutt eins og
svo margar í maí. Veðrið var dásamlegt og börnin
nutu útivistar í enn ríkari mæli en verið hefur. Börnin
á Engjarós fóru í heimsókn á frábært útivistarsvæði sem
börnin í Giljaskóla hafa útbúið hér á næstu grösum og
veitt þeim heimild til þess að nýta.
Frestur
til að skila inn tilnefningum til viðurkenningar
skólanefndar fyrir framúrskarandi skólastarf
hefur verið framlengdur til 9.maí. Hægt er að skila inn
tilnefningum
hér
Foreldrar, nemendur, kennarar, skólar og
bæjarstofnanir geta tilnefnt verkefni í
skóla til viðurkenningar. Tilnefna má
nýbreytniverkefni um hvaðeina í skólastarfi
sem unnið hefur verið að á yfirstandandi
skólaári, nemendavinnu, vinnu hópa eða
einstaklinga, upplýsingamiðlun (s.s.
heimasíður og fréttabréf), stefnumótun og
skipulag, starf eins kennara eða samvinnu
þeirra, verkefni í almennri kennslu,
sérgreinum eða sérkennslu,
framlag annars starfsfólks skólans,
forvarnarstarf, félagsstarf eða
foreldrasamstarf.
|
Góða
helgi.
30. apríl:
Það eru komnar nýjar námskrár og matseðlar á
heimasíðuna.
27. apríl.
Enn og aftur komin helgi. Þetta var stutt
vika enda námskeiðsdagur á mánudag og starfsfólk skólans
enn að lenda eftir Dyflinarferðina sem var afskaplega
skemmtileg og fróðleg. Það sem var best við þessa ferð
var að skoðaðir voru mjög ólíkir skólar; skólar sem við
gátum lært ýmislegt af og líka skóli sem sýndi okkur
fram á að við erum búum afskaplega vel hér í Kiðagili
bæði hvað varðar hús og híbýli en ekki síður í innra
starfi. Danskennslan hélt áfram og börnin dönsuðu
af hjartans list. Leikskólalæsið Enn fengum við
kennara sem höfðu áhuga á að kynna sér leikskólalæsið. Í
þetta sinn komu þeir frá Hafnarfirði og við þökkum þeim
fyrir áhugann og komuna. Grænfáninn Vorið er
vissulega komið og börn og fullorðnir fara að njóta
útiveru sem aldrei fyrr. Verum góðar fyrirmyndir og
hendum ekki rusli frekar fjarlægjum það úr umhverfi
okkar. Skólafærni: Er jákvæður stuðningur
við jákvæða hegðun! Þá líður fólki á öllum aldri best í
samfélagi við aðra,þegar kastljósinu er beint að kostum
þeirra og þeir eru studdir til góðra verka.
|
 |
 |
 |
|
Danskennsla Engjarósarbarna! Fleiri myndir
hér |
 |
 |
 |
 |
|
Danskennsla: Önnur stutt vika en
viðburðarík. Fyrsti danstíminn í boði
Vinarótar var í dag. Danskennarinn, hún
Ingunn, náði góðum tökum á börnunum sem voru
almennt á einu máli um að þetta hefði nú verið
skemmtilegt. Myndir
hér |
Leikskólalæsi: Þar sem hægt er að leika
sér þar er læra börnin að lesa að hætti
Leikskólalæsisins. Hér má sjá börn af nokkrum
deildum leika sér með stafi og bolta. Fleiri
myndir
hér |
Yngismeyjakórónur og með þeim: Í dag var
fyrsti dagur Hörpu og Yngismeyjadagurinn.
Yngissveinarnir sem fengu kórónur og vöfflur í
upphafi Einmánaðar guldu nú stúlkunum líku líkt
föndruðu kórónur af mikilli list og bökuðu
vöfflur sem þeir færðu stúlkunum eftir að þeir
höfðu verið skrýddar kórónunum. Vöfflurnar
brögðuðust afbragðsvel og runnu ljúflega niður
hálsa barna og kennara. Fleiri myndir
hér Kíkið endilega á myndasíður
deildanna því það er ekki ótrúlegt að þar
leynist myndir sem þið hafið ekki séð! |
13. apríl:
Þetta var stutt vika og fljót að líða enda var
gleðivika og tíminn líður aldrei hraðar en þegar maður
er glaður.
Einn dag í vikunni var kvikmyndasýning í salnum. Öll
börnin í skólanum söfnuðust saman, borðuðu poppkorn og
mændu á stóran vegginn sem allt í einu var orðinn kvikur
og Latabæjarfjölskyldan hoppaði og stökk glugganna á
milli. Börnin pírðu einörð augun og létu ekki á
sig fá þótt blessuð dagsbirtan varpaði skini í þau og
örlitlum skugga á sýninguna.
Uppsagnir
vegna 6 ára barna.
Nú þurfa foreldrar að íhuga þau mál en um miðjan mánuð fá þeir afhent
eyðublöð til útfyllingar og þurfa að skila þeim í
síðasta lagi 2. mars.
|
 
FUNDARGERÐ SKÓLANEFNDAR
Skólanefnd 9. janúar 2012
Skólanefnd samþykkir að sumarlokun leikskóla
2012 verði í tveimur tímabilum. Fyrra tímabilið
verður frá 25. júní til 20. júlí og seinna
tímabilið verður frá 9. júlí til 3. ágúst.
Skólanefnd samþykkir að þetta fyrirkomulag verði
sett upp til þriggja ára þar sem leikskólum er
raðað niður á tímabilin. Þessi niðurstaða
skólanefndar tekur mið af umsögnum sem bárust
frá starfsmönnum leikskóla og foreldraráðum auk
þess sem horft var til foreldrakönnunar frá vori
2011.
Hrafnhildur G. Sigurðardóttir leikskólafulltrúi
Til
foreldra í leikskólum á Akureyri
Á hverju ári berast skóladeild umsóknir þar sem
foreldrar óska eftir að flytja börn sín milli
leikskóla innan bæjarins. Að því tilefni vill
skóladeild benda á eftirfarandi.
Aðalinnritun í leikskóla fer fram í apríl / maí
ár hvert. Því er mikilvægt að allar beiðnir um
flutning hafi borist skóladeild Akureyrar fyrir
30. mars ár hvert. Ef umsóknir berast eftir þann
tíma er ekki hægt að tryggja að flutningur geti
átt sér stað fyrir væntanlegt skólaár.
Skóladeild Akureyrar
|
Eldri fréttir
hér
Innritun í leikskóla fyrir næsta skólaár.
Foreldrum sem óska eftir leikskólavist fyrir
börn sín á komandi skólaári er bent á að umsóknir um
leikskóla þurfa að berast skóladeild fyrir 31. mars
n.k. Hægt er að sækja um í rafrænu formi á heimasíðu
skóladeildar
http://skoladeild.akureyri.is/
Fyrstu innritunarbréfin verða send út í
aprílmánuði og gert er ráð fyrir að aðlögun barna geti í
einhverjum tilvikum hafist í maí mánuði. Stefnt er að því að
allri aðlögun verði lokið í september. Tímasetning aðlögunar
tekur mið af því hvenær 6 ára börn leikskólans hætta vegna
grunnskólagöngu. Undanfarin ár hefur þróunin verið sú að
mikill meirihluti 6 ára barna dvelur í leikskólanum fram að
sumarlokun eða fram að grunnskólabyrjun
|
|
.png)
Dagbókin
okkar:
.gif)
